المصري الجديد

شاب بسيط احلامه فى الحياة بسيطة حلمه الاكبر ان يعيش ويتنفس الحرية فى بلده مصر
كان كاتب فى الاستيتوس بتاعته على الفيس بوك ياللى انتى حبك حرية ولما غمزت بعينى وسالته هى مين رد بثقة مصر طبعا الكلام ده قبل اعتقاله بحاولى ثلاث او اربع ساعات
كنا مرة راكبنا تاكسى وبخفة دمه المعهودة وباحساس ابن البلد بعد خمس دقايق كان بيهزر مع السواق وبدا السواق يشكله همه ولقيت مهنى بيقوله طيب وانت عملت ايه عشان تصلح حالك اللى مش عجبك ده ولما مط السواق شفايفه زينا كلنا رد مهنا عليه وقاله كلام كتير مش فاكر منه غير طلع بطاقة انتخابية مش مهم ترشح مين المهم انك تحس انك بتشارك وانك قادر تختار وتغير
لما نزلنا من التاكسى قلتله وانا بضحك انت شكلك هيتقبض عليك قريب,ضحك وهز كتفه فلا مبالاة وقال مش مهم ,انا وانت واللى زينا المفروض نواعى الناس دى بحقوقهم ده حقهم علينا
قبل ما تصدر متتاليته القصصية اغتراب او بعدها مش فاكر بقول امال فين كلام الجنس انت مش عايز تنجح ولا ايه رد عليا قالى انه بيستحرم يكتب كلمة قبيحة فى كتابه عشان ضميره وكمان عشان الكتاب ده فين بنات وستات زى امه واخته هيشوفه وميصحش يشوفوا الكلام ده اقبح جملة كاتبها كانت (امراة اربعينية مثيرة )
ضحكت وقالته قبل قابلنى لو حد عبرك ولا اشترى الكتاب بتاعك ده رد عليا بثقة كالمعتاد وقالى مش مهم
مش عارف اشكره على شجاعته دى ولا الومه عليه فى الوقت اللى هو كان محبوس كنا كلنا قاعدين فى بيوتنا اقصى حاجة بنعملها اننا بنحط صورته مكان صورنا
كاننا كنا بنتمنى نكون فى نص شجاعته
كان نفسى اكتب جدا فى الاربعة وعشرين ساعة اللى فاتوا بس استحقرت انى تكون مساعدته له مجرد بوست اكتبه واحطه فى اى حتة
انا عايز بس اقوله حمدلله على السلامة
وشكرا عشان اثبت لى انى فعلا جبان

رأيت الله اسم كتاب مشهور للدكتور مصطفى محمود يرحمه الله
ورغم معنى الكتاب السامى الا ان العديد من الناس بمجرد رؤية اسم الكتاب ينطلقوا فى الحاق اشد معانى الكفر والالحاد بالكاتب والمفكر الرائع مصطفى محمود
وهذا بالطبع لمن يقف عند حدود العنوان بينما ما يتعدى عنوان الكتاب ويبدا يغوص فى اعماقه صفحة تلو الاخرة يكتشف ان الدكتور مصطفى محمود من اشد الناس إيمانا بالله سبحانه وتعالى
اما انا وقد قرأت الكتاب فأنا ايضا قد رأيت الله
نعم رايت الله
لا تبدأ باتهامى فقط استمع
المكان قبة الغورى بشارع الازهر
الزمان مساء الجمعة
الحدث عرض لفرقة المولوية
بمجرد دخولى الى المبنى وانا دخلت فى حالة من اللا وعى فقد اتصالى بالعالم من حوالى توقفت ساعتى عن الدوران
لم اعد اسمع لحديث اصدقاء اندمجت مع حيطان المكان رايت السنوات تتحرك للوراء رايت الزمن يمر للامام
اصبحت فارسى قادم من خرسان رايت نفسى بالزى المملوكى واقف فى شموخ
وبدا العرض
لااعلم كيف كانت البداية ا لا اتذكر كيف كانت البداية لقد كانت لحظة سرمديا
انطلقت التوشيح الدينية وانطلاقات الترتيل
وبدات فى الصعود
كان الهدوء مسيطر على المكان حتى كنت لاخشى ان اقطع هذا السكون المقدس بصوت دخول الهواء الى رئيتى
كانت الارض تدور كلما ذكر اسم الله كلما صلى المنشدون على نبييه افضل خلق الله محمد صلى الله عليه وسلم
الغريب ان هذا الشعور بالسمو استر ايضا والترتيل المسيحية تدوى فى ارجاء المكان
كان لفظ الجلالة الله يخرج من حناجر المنشدين نورا يضئ قلوب المستمعين
لم اكن افهم قولا من كلام الترتيل المسيحية الا انها الحقيقة قد دخلتى الى صدرى ايضا
كانت كل لفة من لفات المولوى تاخذنى بعيد وتقطع بى الاميال وتفصلى بينى وبين الواقع لاعيش هذا اللحظات فى عالم بين اللا مكان واللا زمان
يقول الدكتور مصطفى محمود فى كتابه رايت الله “واذا سمعت منيتكلم عن رؤية الله من الصوفية المسلمين فإنه لا يقصد روية العين انما رؤية العقل والبصيرة والاحساس …الاحساس بالحضرة الالهية بالمكابدة…كما تكابد الشوق والحب دون ان تعرف له وصفا ولا تعبيرا ومع ذلك هو يملؤك من الراس الى القدم ” هذا كان شعورى فى تلك اللحظة التى لا اظن انى قادر على نسيانها
“رؤية الحكمة النهائية من حركة الحوادث قراءة المعنى الشفرى للدقائق والتفاصيل التى تمر عليك فى حياتك مما كنت تتصور انها مصادفات عفوية ثم تكتشف ان كل تفصيل كان له دور وكل حادثة كانت لها مغزى فى تسطير الحكمة والغاية البديعة وراء كل فعل تفعله
هذا هو رؤية الله فى فعله” وهذا ما قد حدث لى

انا لا ارغب فى الكتابة لذا لا اكتب سوى كلمة واحدة فقط
يا امة ضحكت من جهلها الامم
التليفزيون والردايو منذ امس لا يذيعوا سوا الاغانى الوطنية الخاصة بنصر اكتوبر او التى اتبطت فى الاذهان بهذه الذكرى لان مصر غدا سوف تلعب مبارة كرة قدم مع فريق عربى شقيق

كل البشر تتعرض فى حياتها الى العديد والعديد من المشاكل والضغوط الامر الذى يدفع البعض فى التفكير فى الانتحار هربا من هذه الضغوط التى احيانا ما تكون فوق طاقة البشر,او حتى يتمنوا الموت بحثا عن الراحة الكبرى
نظرا للظروف الاجتماعية والاقتصادية والسياسية والباذنجانية فى مصر اصبحت المقابر تحتوى على حياتنا حياة فوق الارض يعيشها الاحياء ساكنى القبور وما اكثرهما فى مصر وحياة تحت الارض يحياها-او يموتها الله اعلم- الاموات فى قبورهم
الا ان شكل الحياة اصبح سرياليا ,فكيف يسكن الناس القبور وهما احياء الى اين سوف يذهبون بعد موتهم هل يدفنوا فى البيوت اما يظلوا فى مساكنهم التى هى فى الاصل قبور؟ هل هما اصلا احياء ؟؟؟

جاء الرد قويا من احد المتجمهرين صائحا بالطبع احياء الم تر كل هذه الضوضاء المفتعلة منهم وهل يرفض السكون الا الحياة انى لا اظن انـــ
وهنا صاح اخر هل جمعتنا هنا لكى نستمع الى ظن بعضا البعض انى اطلبكم باجد حل سريع فورى لهذه المهزلة التى تؤرقنى ليلا نهار
نطق احدهم بسخرية وكانك تعلم الفرق بين الليل والنهار
رد الاول محتدما بخشونة نعم اعرف ويمكنى انــــ
لكن قطعه شخص تبدوا عليه الحكمة بحركة من يده قالا وماذا تركنا لهم اذا كنا سنتعارك مثلهم ونبدد السكون الرائع الذى تمتعت به كثيرا قبل حضوركم وحضورهم
فرد شاب صغير بعين واحدة ما هذا اتشبهننا بهؤلاء القوم انى لا ارك بدات تفقد حنكتك المعهودة وبدات تهذى
ورد عليه الحكيم قائلا حسنا سوف اترككم ههنا واذهب لاستريح بعيدا عن الضوضاء التى تصنعوها
فرد عليه شخص اخر بالله عليك لا تذهب ودعونا نفكر فى حل لهذه المعضلة لنذهب سريعا جميعا ونستريح
فصمتوا جميعا واطرقوا بحثاعن حل
طل صمتهم حتى ظننت انهم ماتوا ,وتكلم شخص تبدوا عليه انه حديث العهد بمخالطتهم والجلوس معاهم قائلا لقد جربت شتى الطرق حتى انى ظهرت لاحدهم فى محاولة لاخافته وجلعله يركض مبتعدا فما كان منه الا انا سبنى سب ابائى واجدادى وابتعدت انا منه خائفا ,فرد الحكيم نعم من يعيش مثل هذه الحياة لا اظن انه يخاف منك او من غيرك ان قسوة الحياة علمتهم ان يعيشوا بلا مشاعر بلا حب ولا خوف
هل اجتماعنا هنا لحل مشاكلهم ام حل مشكلاتنا جاء الصوت من طفل يقف بعيدا يلهوا احيانا ويستمع احيانا
حسنا فلنعيد لهم الاحساس حتى يشعروا بالوحشة من سكنْ القبور ,وكيف سنفعل ذلك يا فالح هل نذهب ونعطى كل منهم وردة من ذلك الورد الذى ياتوا به كل حين
اعذرونى يا اخوانى لقد اعتادت على -دوشة -الحياة ولكن اشد ما يلائمنى ذلك الوقح الذى لا يحلو له مكان فوق الارض لقضاء حاجته الا فوق مخدعى
فلتكن الحرب اذا انهم لا يحترموا اقل خصوصياتنا وليكن ما يكن لنستحمل هذه المهانة كثيرا
رد الحكيم ولكن نحن لا نصمد اهم ويلات الحرب فنحنُ ما اجتماعنا ههنا الى لاعادة السلام الى المكان والهدوء والسكينة فكيف تنتهى جلستنا باعلان الحرب
ولكن نرسل لهم وفدا منا يطالبهم باخلاء مساكنا واعادة الهدوء اليها
لن يرضخوا ابدا بل ربما زادوا من الضوضاء واتوا جميعا ليحتلوا مساكنا
وهنا تكلم شاب تبدا على خلجات وجهٌ الخجل ما رايكم فلنذهب فى مظاهرة عارمة الى اكبر ميادينهم نطالب زعائمهم بالكف عن ازعاجنا البحث لهم عن ماوى بعيدا عن بيوتنا
فصمتوا مرة اخرى استغرقوا فى تفكير عميق حتى تكلم الحكيم قائلا ان لا اجد راى مناسب اكثر من هذا من كان يملك راى اكثر راجحا فليتكلم او لننفذ هذا الراى
وعندما لم يعترض احد قررا ان يذهبوا جميعا فى مظاهرة ضخمة الى ميدان التحرير مطالبا الحكومة باخلاء المقابر من الاحياء حتى ينعموا بالهدواء الراحة الابداية فى مدافنهم
وعندما بدا تحركتهم فى الصباح لم يثير مناظرهم احد رغم غرابة المشهد فهناك هياكل عظمية تتحرك وهناك من سقط وجه وهناك من تأكلت اطرافه ورغم ذلك فى البحث عن الحياة كان اقوى منهم فلما يلتفت لهم احد حتى ميدان التحرير لم يجدوا سوى عساكر الامن المركزى تحيط الميدان

علم المصريات هو العلم المخصص لدراسة كل ما يتعلق بمصر القديمة ولست اقصد مصر القديمة والجيارة والسيدة زينب انما اتحدث عن مصر الفرعونية وهذه دراسات اجريتها دون علم او معرفة باى شئ عن مصر الغير فرعونية او حتى عن مصر فى عصر الملوخية

اثبات دراسة حديثة اجراها المركز القومى ان 90% من المصريين بينفقوا تقريبا 80% من حياتهم واقفين على اقدامهم
تقريبا المصريين بينفقوا نصف حياتهم واقفين فى الطاوبير بين طاوبير العيش الشهيرة والتى راح ضاحيتها ما يقرب من كذا الف مواطن وبين طاوبير المصالح الحكومية التى تجعل الفرد منا يخرج عن شعوره ويلعن ابو اليوم الذى ولد فيه ويلعن ابو اليوم اللى قبله ايضا لكن لحسن حظنا انهم لا بيموتوا زى اخونا ارباب طوابير العيش كما انك لو ذهبت اى مكان فى مصر يجب ان تقف فى الطابور (وهذ ليس لاننا منظمين مثلا) الا لو تملك واسطة فسوف تجلس وتخرج من هذه الاحصائية

دراسة اخرى - حيث انى الان مسلح بالعلم وكل كلامى مؤيد بالادلة والبراهين الثابتة - اثبتً ان حاولى 70% من المصريين بيضيعوا اكثر من ثلثين حياتهم فى الطريق و الموصلات العامة حيث اثبت الدراسة ان المسافة بين اى نقطتين داخل القاهرة يفصل بينهما على سبيل المثال عشرة كيلو تستغرق تقريبا 25 دقيقة اذا كنت سعيد الحظ ولا يوجد فى هذه المسافة اشارة مرور او احد الاشخاص المهمين فى البلد مارا منها وكذلك يجب ان تحرص ان على الا تكون هذه الرحلة فى اى من ساعات الذروة والتى تبدا من السادسة صباحا وحتى الخامسة فجرا فى اليوم الثانى

ودراسة ثالثة - هذه الدراسة مبهجة حتى لا يتهمنى احد بالنكد الغم- اثبت هذه الدراسة ان الشعب المصرى دون باقى شعوب الله اكثر الشعوب اضحكاكا وتضحك تندر والعلماء الاجانب الذين اجروا هذه الدراسة كانوا يظنوا ان هذا راجع لسعادتهم فى حياتهم رغم كم المشاكل التى تحصارنا الا ان العلماء المصريين ربنا يعمر بيتهم قد اوضحوا ان السبب الحقيقى لذلك هو كثرة الهم الذى اصبح معاه الضحك كما قال المتنبى كم فى مصر من مضحكات لكن ضحك يشبه البكاء وكما قالت الخالة نوسة (هم يبكى وهم يضحك) كما قال ايضا شخص اخر ان الشعب المصرى (شعب مهيص تلمه زمرة وتفرقه عصاية) الى اخر موروثنا الشعبى

الدراسة الرابعة والتى قامت بها شركة امريكية ماتت بغيظها من نتيجة هذه الدراسة تقول ان المصريين اقوى شعوب العالم مناعة حيث تم التجربة على عشرة اشخاص من مصر ومثلهم من 30 دولة اخر والناتج ان المصريين صمدوا اما ما يقرب من 200 مرض من امراض العصر المعروفة حيث توفى شخص واحد فقط من مصر فى حين انه لم بتقى على قيد الحياة من باقى الددولة سوى ثلاثة اشخاص لدولة السويد التى جاءت فى المرتبة الثانية وعندما سالوا المصرى الذى توفى عن سر قوتهم اجاب قائلا انه يشكر السيد رئيس راعى الصحة فى مصر
فى حين اعرب مصدر غير مسئول قائلا (المصريين بياكلوا خضار مسقى من مياه الصرف الصحى وعايشين طول الوقت فى اعلى نسبة تلوث بسبب السحابة السوداء وعودام السيارات واكياس الدم الفاسدة ومياه النيل الملوثة قادر باذن الله انه يصمد امام اعتى الامراض ده راجع لاسباب عديدة اهما الفول) فى حين اعرب مسئول اخر (ان المصريين مش بياثر فيهم غير القطارات والعبارات)

الدراسة الخامسة ودى محدش اجراها حتى الان وتفيد بان 99% من المصريين يرون صعود مصر لكاس العالم وهزيمتها للجزائر اهم بكثير من تحسين مستوى الميعشة فى مصر واخير احب ان اذكركم ان كل هذه الدراسات من وحى خيال مرهق ويرغب فى الخلود للنوم

الحقيقة انا منذ فترة لا ارغب فى الكتابة فى هذه المدونة الكائيبة ولا اعلم لماذا ربما بسبب وعد قطعته على نفسى الا اكتب الى باللغة العربية الفصحى هذا زاد الطين بله ربما لانهماكى فى العمل وربما لعدم ورود جديد على ساحة الاخبار
لماذا اذا عدت الى الكتابة مثل كل مرة لا اعلم سبب للعودة او حتى ترك الكتابة من البداية ,لكن الان عندنا اقتنع كامل باننى افتقر لمواهبة الكتابة بكل انواعها بالاضافة الى سواء خطى الذى يلاحظه كل من دفعه سوء حظه لقراة ورقة مكتوبة يدويا للعبد لله , كما اننا اصبت بحالة من عدم المبالاة جعلتنى اوقن باننى لن استطع تغير اى شئ فى الوجود حتى نفسى ,بالاضافة الى بخل زائرى المدونة فلا يتفضل احدهم بترك كلمة ولو حتى يتركها سهوا

اذا لماذا عدت ؟؟اقسم لك انى لا ادرى لماذا لا تريد ان تقتنع حسنا سوف ابحث فى ثنايا روحى لعلى اجد شيئا ما اه اعتقد انى وجدت السبب الحقيقة لقد عدتُ للكتابة لانى ارغب انى احكى حقائق عن نفسى لا يعلمها الا الله سبحانه وتعالى عسى بذلك ان تتخفف نفسى مما يثقل كاهلها ,لا ادرى من اين ابدا ولكن حتما على انا ابدا

سابدا من النهاية من تللك اللحظة التى اكتب فيها الان الضضاء تحيط بى رغم انى فى الغرفة وحيدا ,قبل انا اشرع فى الكتابة كنت افكر فيها وهل املك ان افكر فى سوها رغم مرور العام تلو الاخر الا انها لزلت تسكن فى داخلى كانها ما غادرت عالمى يوما ما انها الان ترتع وتلعب دون ان تدرى انها تركتنى ملتع ومتعب لكن لنتركها الان ونذهب الى سواها وهل يوجد سواها اقصد سواها من المشاكل والهموم وليس من الاحباء
اعتقد ان المشكلة الاخرى الاكبر فى حياتى هى تشابه ايامى فغدى مثلى يوما مثل امسى مثل شهر قادم وكان الحياة لا تحتمل التجديد ما اشباه يومى بالبارحة والبارحة بغدى وهكذا سلسة الايام التى ترفض ان تتوقف لالتقاط الانفاس وكانها فى سباق محموم

محدش يفتكر ان مثلا هحل مشكلة الناس اللى عايزة فلوس او الناس اللى مش عايزة فلوس او حتى الناس اللى الفلوس مش بتشغل بالها ,انما انا هكتب البوست عشان اخد فلوس وبراءة اختراع على الافكار الذكية الخلابة اللى هقولها تحت وعشان كده كل واحد نفسه تسوله ان يقرا البوست ده و يمشى يفتكر اخوه الغلبان -اللى هو انا- باى مبلغ كده بس يكون محترم

المشكلة بتاعت الفلوس قايمة على 3 محاور وانا معرفتى بعلم الاقتصاد بالظبط زى معرفة تامر حسنى عن الفيزياء الحيوية يعنى من الاخر محدش يستقل بيها نرجع بقه للمحاور بتاعتنا المحور الاول هو انخفاض قيمة الجنيه
اسبابه ايه الحكاية العلماء اختلفوا فى اسباب انخفاض قيمة الجنيه فمجموعة قالت ان السبب ان الجنيه غلب الكارنيه وده ادى الى ان الناس بدات تستخدم الجنيه فى كل الامكان اللى بتستخدم فيها الكارنيه مما اضعف من صحة الجنيه وداب من كتر الاستخدام واتشحطط فى المواصلات و المصالح الحكومية فاتقلت قيمته
اما بقه الجورنلجية بتوع المعارضة عندوهما تفسير تانى خالص بيقول ان فى يوم من ذات الايام الجنيه دخل قسم شرطة غلط فاقبله ظابط لطيف جوه وخده عمل معاها الواجب لحد ما قل قيمته وبعتر كرامته وضيع رقمه
اما باقى الراى الراجح عند جميع اهل الاقتصاد ان الجنيه قميته اتقلت لما جت الحكومة تعوموا لانه اضطر يقلع هدومه قدم الناس فاتقلت قيمته

المحور الثانى هو الجنيهات الفضة التى يطلق عليها عامة الشعب اسم الدنانير تيمانا بايام الامير قشتمر الذى كان الدينار فى عصره يشترى ديناصور فبريكة مفيش اخوه وطبعا الفلس الفضة دى خانقة الناس فى مصر اه والله زى بقولكم كده ,وانا عرفت سر من مصدر غير موثق منه ان الحكومة عاملة كده مخصوص عشان تكره الناس فى الفلوس وسيرت الفلوس وشيل الفلوس لكن محدش يقلق انا طبعا عندى الحل

المحور الثالث هو انخفاض القيمة الشرائية للفلوس واللى عايز يعرف يعنى الكلام ده يرجع كتاب الاقتصاد بتاع الثانوية او كتاب النقود والبنوك بتاع تجارة او كتاب حياتى يا عين بتع حسن الاسمر وفى الاخر مش هيعرف وهيجلى عشان اشرحله انخفاض القيمة الشرائية للنقود يعنى الجنيه اللى كان زمان ينفع تعمل بيه حفلة عيد ميلاد وتعزم فيها 9 اشخاص دلوتى مبقاش يكفى تركب الميكروباص وانت رايح حفلة العيد ميلاد دى يعنى ما الاخر الفلوس اتقل بركتها والجنيه اللى كان زمان بتنين وتلات دولارات فى العصر الذهبى لمصر اللى هو دلوتى بقه مش بيسوى ربع دولار مخروم بس برضه يا جماعة مش تقلقوا انا عندى الحل اتصل على 0900009999 وانا مش هرد عليك
الحلول بقه عشان الناس بدات تزهق ,انا هحل التلات مشاكل اللى فوق دول بحل واحد بس عبقرية بقه عقبال عندكوا
الحل ببساطة يجماعة اننا هنغلف الجنيه الورق وده عشان نحافظ عليه من التلف والغرق والحرق وبكده الحكومة مش هيبقى ليها حجة فى الفلوس الفضة اللى قارفة الناس وبكده ابقى حليت اول مشكلة ,تانى مشكلة وهى انخفاض قيمة الجنيه اللى اصلا نفس المشكلة التالتة واللى انخفاض القيمة الشرائية للجنيه واللى انا معرفش انا كتبتها مرتين ليها اصلا بس اهو كله كلام ,لما نغلف الجنيه هيبقى اسمه جنيه بس هيكون بجنيه وربع عشان ثمن التغليف ده مين اللى هيحاسب عليه فى الاخر وبكده لما حد فينا يركب اليمكروباص ابو جنيه وربع هيديلوا جنيه مغلف وبس وهكذا وبكد ترجع للجنيه قيمته اللى افتقده من زمان وخد انا جايزة اللى استحقها جايزة الدولة التقديرية زى الدكتور سيد القمينى كده بالظبط

كنت قاعد مع اصحابى فى قعدة مزاج وكله بيحشش والدنيا حلوة وفى فراشات بترفرف فى الاوضة وجه عليا الدور ولقيت نفس باخد نفس طويل جدا من الكباية وسرحت معها لاخر الدنيا
افتكرت انى لسه قارئ رواية لخيرى شلبى كانت كلها على الحشيش وقدرت بجد قد ايه الراجل ده فنان اى حد يتكلم عن الحشيش يبقى فنان حقيقى
ورجعت سرحت تانى يا سلام لو الحكومة تخلى الحشيش ده ببلاش ومن غير مشاكل ولا سجن ولا يحزنون ,انا مش عارف هما عاملين مشاكل ليه مع ان البلد كلها النهاردة بتحشش ورهان ان 75%من الشباب النهاردة بتضرب مخدارات, اتارينى كنت بتكلم بصوت عالى وانا مش دارى بحاجة ولقيت واحد صحبى بيقولى اه يا سلام لو الحشيش ينزل عليه الدعم ويبقى مدعم ونشترى رخيص شوية بجد ده تبقى احلى حاجة عملتها الحكومة وواحد تانى لقيته بيقول لا ياعم ده كده معناه ان الحشيش هيبوظ زى حاجة التموين كلها حاجات غير صالحة للاستهلاك الادمى ,انا اصلا معرفش احنا كنا كم واحد
وبعدين تخيلت مظاهرة كبيرة ماشية فى ميدان التحرير بتطلب الحكومة بدعم المخدارات ولقيت نفسى قمت فجاة فى وسط الاوضة وكانى سعد زغلول فى فيلم رد قلبى وقعدت اقول الحشيش الحشيش قبل المياه وقبل العيش وفجاة لقيت واحد صاحبى بس معرفهوش او مش فاكر انا شوفته فين قبل كده بيقول خلى الخابور والع والع على وزن موسيقى خلى السلاح صاحى
وبعدين فجاة لقيت الميتين واحد اللى فى القعدة فى حالة ضحك هيستيرى انا لغاية دلوتى مش قادر افتكر هما كانوا كام بنى ادم خصوصا ان كان فى كائنات تانية موجودة
ورجعت تانى لقيت نفسى بقول يا سلام لو الواحد يروح الشغل الصبح يلاقى المدير عامله ميتنج عشان نصطبح مع بعض ويكون اسمه ميتنج الاصطباحة ده الشغل هيكون احلى كلام ,وبعدين فجاة طلعه كائن كده بينتمى لحزب كده برضه قالى تصدق فكرة احنا هندخل الانتخابات الجاية بالشعار ده الوحدة الوطنية هنشطب خانة الدين من البطاقة عشان كلنا مصريين وكل واحد يكتب فيها نوع المخدر اللى بيمزجه وطبعا كلنا صقفنا فرحا بهذه الفكرة العبقرية اللى طلعت من هذا الكائن المنزلق الغريب
وكان فى واحد لسه فايق شوية لقيته بيقول الله يخرب بيتكوا بوظتوا البلد بالزفت اللى انتوا بتشربوا ده ,اعداء الوطن هما اللى عايزينكوا توصلوا للحالة دى وتفقدوا الاحساس وتبقوا تقول الوقت فى عز مخدرين ,واحد جرئ فى القعدة شكله يدى على بنى ادم قاله مساء الخيررررررررر ودخل عليه بالجوزة والتانى لما صدق قم ساحب نفس جامد قام الاولانى ساله قاله انا بس عايز افهم من حضرتك حاجة هى الوطن دى جريدة مستقلة ولا ايجار جديد
واحد تالت قاله انت بتقول عز يبقى انت اللى سرقت ضنايا اه يا شقائى
فاصل من الضحك الهستيرى ,وبعدين رجعت انا بعتبارى زعيم الحركة التحشيشية وصاحب جروب هنحشش كل يوم الصبح وقبل النوم وقالت له ان الحشيش ده مفيد جدا بالاضافة ان بيحل حوالى 91%من مشاكل البلد وواضح انه كان لسه فايق فقالى ازاى بقه يا كبير
انا كنت نسيت انا قولت ايه فى الاول اصلا فسكت لكن واحد غيرى رد وقاله اول حاجة انا لما بحشش بنسى انى عاطل وبنسى انى محتاج شغل ومش لاقى وقمت انا داخل علطول مؤكد على كلامه ان الحشيش بيساعد فى تخفيف الزحام واحد كان نايم اصلا صحى هنا وقالى ازاى يا ذوق رديت عليه بكل دبلوماسية قالته انت تقدر تسوق عربية وانت خربان(خربان يعنى محشش لدرجة انه مش شايف قدامه) قالى لا طبعا قالته شوفت قالى اه صح واحد تانى مكانش شاف فطلب تفسير اكتر من كده فقولت له ان لو نص البلد حشيشت فى يوم واحد ده معناه ان نص العربيات اللى فى البلد مش هتتحرك من مكانها فقتنع اكتر بواجهة نظرى ان الحشيش بيساهم فى حل مشكلة الزحام
وفجاة دخل علينا ظابط استنوا مش تجروا ده ظابط صحابنا كان جاى يصطبح معانا ولكن هذه قصة اخرى
تعديلات من واحد فايق
انا خدت بالى انى كده انا بدعى الناس للمخدارت وده مش صحيح انما كان الغرض الاصلى من البوست انى اقول للمخدارت لا واقول للى عايز الشعب يفضل مخدر ومش فاهم حاجة برضه لا
معلومة تاريخية استخدمت الصين الاعدم والجلد مع مروجى المخدارت بعد انتشار المخدرات فيها وقبل حرب الفيون وكان مروج المخدارات بيتعدم قدام بيته اما اللى بيشرب بس فكان بيتجلد برضه قدام بيته يا فى ميدان عام

لم يصدق اشرف ودانه وهو يسمع انه فاز بعربية بى ام دبليو من شركة فودافون ولم يكن استغرابه من فوزه بالسيارة الفارهة جدا يرجع الى انه يظن كأغلب المصريين ان هذه المسابقات كدب ومفبركة ,انما كان سبب استغرابه انه لم يفز من قبل فى اى مسابقة على وجه الارض حتى مسابقات الشيبسى والآيس كريم التى فاز فيها كل واحد من الشعب المصرى مرتين على الاقل.
انفجر اشرف ضاحكا اكيد الواد عادل عمل المقلب ده فيا اكيد منسيش مقلب تحويل الرصيد اللى عملته فيه من اسبوعين, لكن سوف يذهب فى الميعاد فانه لا يطيق صبرا حتى مع علمه انها اشتغالة,اقصر واطول ليلة فى تاريخ حياته مرت عليه كأن الليل يطول فجأة كما لو كان بلا صباح ثم يجرى ملتاعا كما لو كان موظف متاخر على شغله وسبب التباين ده تباين افكاره نفسها بين انه كسب فعلا وبين انه مقلب عمله الواد عادل ابن ام عادل.

يا سلام اول مرة فى تاريخ حارة سالم بالسيدة تدخل عربية بى ام دبليو الحارة سوف يتركها فى الحارة يومين على الاقل حتى يعرف حى السيدة باكمله ان اشرف السيد عنده عربية بى ام دبليو لن يبيعها ابدا صحيح هو محتاج لكومة فلوس بس ولو.
ياترى هيطلع لونها احمر زى اللى فى الاعلان يضحك فى سره قائلا والله ما بتفرق معانا الالوان ينظر الى سقف الغرفة المحتاج ترميم فيعتذر له بابتسامة معلش ما انت من يوم ما انا اتولدت وانت كده اصبر شوية ,معلش اكيد طالما ربنا فرجها يبقى قدام شوية هكسب شهادة المليون واول حاجة هعملها انى هصلح البيت اللى داب من المجارى وهبيض الشقة اللى نفسى اعرف لون حيطانها ايه ؟
تذكر كام مرة حلم بدهان شقتهم باللون الابيض وضعا وردا ملون كبير على الحيطان بشكل مبهر
الله يرحمك يابا كنت تيجى تشوف ابنك بكره هو راكب بى ام دبليو اختفت الابتسامة تحولت الى غصة عندما تذكر والده الذى مات لانهم لم يكونوا يملكوا ثمن العلاج وولا حتى واسطة حتى يدخل الى المستشفى الحكومى عشان برضه يموت بعد ما ياخد العلاج .
بدأ يفكر ماذا سيقول لموظوفين فودافون فى الاعلان ما اكيد هيطلع فى العلان وهما بيسلموا مفتاح البى ام دبليو مصلحة عشان الدنيا كلها تعرف انه اصبح من اصحاب العربيات ومش اى عربيات, تذكر وهو يحكى لوفاء عن الجمعية التى سيقبضها فى اخر السنة ويشترى التو توك لعيطيها الى اخيها الاصغر يعمل عليه مقتسما الارباح بالنصف لكن لن يبيع البى ام دبليو مهما حصل .
فجأة دخلت امه واضأت نور الغرفة فتململ اخيه فى فراشه ولكنها تواجهت اليها بالكلام اشرف اصحى الساعة بقت سابعة عشان الشغل ولم يكن تذوق طعم النوم طول ليلته فتبسم ضاحكا عندما راى وجه امه, كان دائم التساؤل كيف هى طول الوقت مبتسمة والفقر والمرض يجثمان على صدرها كانت تقول دائما ربنا مبينسش حد.
توقفت خواطره كلها دفعة واحدة فجاة عندما تذكر امه فهى مريضة بشدة واحتاج الى عملية ولكن من اين توقف حائر أيبيع بى ام دبليو لاجل امه التى لم يبقى له غيرها فى الحياه هى واخواه
انفلتت منه ضحكة صاخبة ونظرت اليه امه مبتسما قائلة خير ربنا يبسطك كمان وكمان
وإنفلت لسانه معبرا عما بداخله ..لو طلع مقلب عمله فيا الواد عادل

نحن ليس انتم فتقبلونا
نحن قوم غيركم فتقبلونا
نحن بشر ايضا لو تعلمونا
نحن لم نحمل لكم –حتى الان- الضغينة
******************************
فى الصبح تقول ارهابى
ظهرا تغزو بلادى
دنس ارض الاجدادى
عصرا تكسر ابوابى
ليلا تسرق جلبابى ……..عفوا اعنى البترول
**********************************
لم اعرف من هو الزعيم
لم اسال لن اهتم
فانا اعرف يقينا
اننا لم يعد لدينا دم
************************************************
حرف بجوار حرف كتبت كلمة
كلمة بجوار كلمة كتبت جملة
ولما قرأت الجملة سكت العالم لحظة
لم يدرك حتى الان المـــــــــــــعنى
*********************************************************