New Egyption (بال o لحد ما تصلحوا حال البلد)
انا عيان
انا عيان والكمبيوتر بتاعى عيان وامى عندها برد واخوايا كمان مش عارف ادعى على مين
هدعى على الظالم والمفترى وابن الحرام
بعتذر للجماعة بتوع بنحب مصر ومش هنسافر و ومش هنموت وكده,عشان انا قررت فى اقرب فرصة هسافر او هموت وهسيب البلد لاهلها اللى انا وانتوا مش منهم وفارضين نفسنا عليهم هسيبها ليهم يشبعوا بيها انشاء الله حتى يقلبوها سوبر ماركت ده لو كانت لسه متقلبتش اصلا
ومش هرجع تانى لمصر وهعيش فى بلد جديد بكرامتى موفورة وقفايا متصان بعيد عن ايد اللهم احفظنا رجال الشرطة الابرار,وهشتغل يعنى هلاقيه شغل واشتغل وشوية شوية هكبر فى الشغل ومين عارف يمكن ربنا يكرمنى واتجوز طبعا
انا عارف ان مفيش شاب فى مصر بيحلم انه يتجوز لان حتى الاحلام ليها حدود وفى مصر الواحد يحلم انه يتغد لحمة اول الشهر مثلا او يتعشى بره كده مثلا,ومحتمل يبقى عندى شقة تمليك مش ايجار جديد يا سلام هى دى العيشة
بس اسافر الاول
حتى مفيش نفس للكتابة الله يخرب بيت اللى كان السبب ويجحمه فى جهنم
المشكلة الكبيرة اللي هتصدمك ان السفر اصبح صعب اوي وكمان ما فيش دولة عاوزة المصريين حتي الدول العربية بقو بيجيبو هنود بدل المصريين
يعني هتعد هنا رغم انفك وانسي كل الاحلام
هو صحيح مين الظالم والمفتري وابن الحرام دةةةةةةةةةةةةة
ابن بسطا
Comment by ابن بسطا — @
يعنى انت يا ابن بسطا متعرفش مين والظالم والمفترى
انا لو معرفتش اسافر هموت ادعيلى اعرف اسافر
Comment by المصرى الجديد — @
يا بنى فى مثل بيقول اللى خرج من داره يتقل مقداره وصدقنى البلد دى أحسن من غيرها
على العموم أنا بدور على سفريه وأذا جت هاخدك معايا
Comment by anoga — @
نسيت أقول لك ألف سلامة عليك
Comment by anoga — @
حقيقي انا فكرت كتير في موضوع الظالم والمفتري وابن الحرام دةةةةةةةةة معرفتوش
والامر حيرني جدا لان مش ممكن واحد يظلم 80 مليون ولو حدث هذا تبقي كارثة
يارب تسافر ان كان هذا يرضيك بس زي ما قلتك في الاول العملية معقدة
اقولك روح ليبيا وشوفلك تهريبة لايطاليا ممكن تظبت معاك وان ما ظبتش سمك القرش موجود اهو يطلعلة بغدوي ولا بعشوي
Comment by ابن بسطا — @
وتفتكر القرش ممكن يرضى بيا لاحسن ده مفيش حاجة فى الدنيا راضية
وعلى فكرة عمرك ما هتعرف الظالم؟؟
بس ممكن تدعى عليه زى
Comment by المصرى الجديد — @