New Egyption (بال o لحد ما تصلحوا حال البلد)
ليه يا مصر
وانا قاعد مفروس من اللى بيحصل فى مصر وكل حاجة بتحصل فى مصر تفرس اكتر من اخواتها
والفجر فى سكون الليل لقيت نفسى بسال مصر وبحرقة واقول لها ليه يا مصر لدرجة ان حسيت ان مصر هترد عليا بجد
وفعلا سمعت صوت بيرد عليا ويقولى نام يا اهبل
ليه يا مصر سار حالك مقلوب
عيشتك بقت ضنك وخيرك منهوب
والطيبين فيكى حقهم مسلوب
والحرامية حكمينك بالشوم والطوب
وان حد قال الحق يبات مضروب
او حتى قال لا فى المعتقل محجوب
بقيتى عنوان للظلم والجور فى كل مكان
بعد ما كان النور يملئ ربوعك زمان
والناس مبقاش ليها غير الرحمن
تدعى على الظالم فى كل اذان
مع ان حتى الظلم…..ليه اوان
ومصير الفجر يجى بالخير مليان
والشمس تنشر ضياءها فى كل الوديان
والعدل صوته يطلع ووياه الامان
والمصرى اخيرا يشبع وينام شبعان
يارب يا منان يا خالق الانسان
حلمى ده يتحقق فى يوم من الايام
و الله يا مصرى مشكلة البلد دى فى ناسها لأن كل الناس عارفة مين السبب بس بيغمضوا عنيهم عشان قال إيه يفضلوا عايشين بس الحقيقة هم أساسا مش عايشين ولن يغير الله ما بقوم حتى يغيروا ما بأنفسهم
و أرجع و أقولك الليل مهما طال أهو ليل أكيد بعد منه صباح
اللهم بلغنا هذا الصباح
Comment by m.fouad — @