اللهم امين
انا شوفت الدعاء الجميل ده على النت فنقلته هنا وحطت عليه شوية ابداع من عندى عشان يبوظ المهم فى الاخر كله يقول امين
ربنا يبعد عنك الاشرار….. ويجعلك فى كل خطوة دولار
ويبعد عنك ولاد الايه ……..ولا يخيبك خيبة الجنيه
ويجعل اعمالك كلها حسنات….. ويكفيك شر المخالفات
ويحوش عنك كل الشرور …..ويكفيك شر كمين المرور
ويكون لك دايما فى العون….. ويكفيك شر فاتورة التليفون
ويسعدك فى كل حين….. ويكفيك شر المستثمرين
ويجعلك كل الناس حبيايب …..ويبعد عنك بتوع الضرايب
ولا يجعل عيالك محرومة …..ولا يخيبك خيبة الحكومة
وتعيش عيشة هنية …..وتبعد عن المديرية
ويجعل اصحابك كلهم اخلاص …..ويكفيك شر سواقين الميكروباص
يحميك يابنى من ابليس….. ويكفيك شر سواقين الجيش والبوليس
وينور طريقك بالبركات …..ويبعدك عن العبارات و القطارات
ويحميك من كل رزية ……ويكفيك شر المطبات المستخبية
بدعيلك وبدعى لاولادى…… يكفيكم شر الركود الاقتصادى
ويكتر فى جيوبكم النقدية …….ويكفيكم شر الدروس الخصوصية
ولا يحرمكم من اكل الفول …….ولا يخرب بيتكم بفواتير المحمول
ويرزقك فى كل زمان……. ويبعدك عن كل الاقسام
بدعلك وبقول يارب لا تخش جيش ……ولا تقف فى طابور العيش
وتعيش عيشة السعداء….. اللى فى الكويت او ضرماء
اللهم امين
ههههههههه… اللهم آميـــــن….بس سؤال الاول….انت دعااؤك مستجاب؟ !!!!!
سلام
Comment by واحد وخلاص — @
ههههههه
آمين
—
مدونتك جميلة بجد
مش عارف ليه حسيت فيها بالبهجة
—
يا رب تكون كل أيامك سعيدة
Comment by علي باب الله — @
ده دعاء اقتصادي بحت
بيوصف الحاله الطين اللى احنا فيها مدونتك جميله
Comment by misrdream — @
الى الاخ على باب الله كلنا على باب الله
البهجة اخر حاجة انا بحس بيها واكتر حاجة انا محتاج
بس انا اسلوب كده حتى وانا فى اقصى درجة الحزن بكون بضحك
وشكرا على الدعوة الجميلة بتاعت السعادة
Comment by ahmed — @
طريفة وتدل على العالم المادي الذي نعيشه.
شكراً لزيارتك مدونتي بانتظام وكتابة تعليقاتك الممتعة.
مدونة كاريكاتور العرب:
http://arabcaricature.blogspot.com
Comment by AlRashid — @
يااااااه … يظهر أننا بنتشارك في زوق موسيقي واحد
dean martin ( sway )
أختيار .. من وجهة نظري .. مش ممكمن يكون أفضل من كده
—
سمعت له كمان
send me the pellow , volare , mambo ,
that’s amore
—
Comment by علي باب الله — @
الكلام جميل بس يا ريت التنفيذالمهم ……. لا تعليق
Comment by لولا2000 — @