بدون عنوان
قعدت افكر فى عنوان للبوست ده بس للاسف مفيش عنوان يستحمل تحته الكلام ده
لعنة الله على الظلم لعنة الله على الظالم
فى ست غلبانة كانها امى او اختى ملهاش ضهر فى الدنيا دى وملهاش واسطة ملهاش غير ربنا زينا كلنا ,بتشتغل ممرضة فى مستشفى التكامل الصحى فى منوف اتخنقت فى يوم اسود مع دكتورة من الاكابر جوزها ظابط واخوه ظابط وابوه ظابط
الست الغلبانة مغلطتيش لا اسف غلطت طبعا غلطت لما زعقت مع دكتورة من الاكابر عملت حاجة غلط والدكتورة عشان من الاكابر شتمتها وبهدلتها واتصلت بجوزها الباشا الكبير معاون مباحث بندر منوف جه والطبنجة فى جنبه فى البوكس كانه رايح يحرر القدس او يقبض على خط الصعيد جه يشوف بنت الكلاب اللى غلطت فى الاكابر,واللى ملوش ضهر يشبع ضرب على بطنه
شتمها وضربها وسحلها فى وسط رجال كتير بس للاسف كلهم عندهم عيال مش عايزينهم يتيموا
الست الغلبانة اشتكت وعملت محضر وبالاساليب الخسيسة بتاعت الاكابر خلوها تتنازل ومن يومها سحبوا منها الامان ظابط البوليس اللى بيحمى الناس مخلي ست ولية مكسورة الجناح وجوزها واخوها محسسهما كلهم بعجز الرجال تسوى ايه الدنيا لما واحد يضرب اختك ولا مراتك ويشتمها وانت حتى مش قادر ترد عليه الشتيمة
كل يوم تهديد كل يوم تهزئ كل يوم قلة قيمة كل يوم من غير كرامة كل يوم من غير امان
لعنة الله على الظالم
انا مش هسأل فين وزير الداخلية
لعنة الله على الظالم
انا مش هسأل فين وزير الصحة
لعنة الله على الظالم
لعنة الله على الظالم
يا أخي حاجة فعلا تشعر الإنسان بالقهر
ثم يتساءل أصحاب الحكم عن سبب تزايد الجريمة وسبب تزايد العنف وسبب تزايد الإرهاب،
يعني لو أخوها أو زوجها راح قتل هذا الضابط، تبقى مسؤولية مين؟؟ الضابط لأنه غلط، والا النظام الذي عجز أن يعيد له حقها
تحياتي
Comment by حسن مدني — @
مش لاقي غير جزء من قصيده الشاعر علي سلامه اعلق بيه علي الموضوع ده واللى بيقول فيه (لو حسنا في قلوبنا مات….لو بكره فات…..واحنا بياكلنا السكات……كل الاماني الممكنه …..تبقي يادوبك دمعتين فوق صوره باهته ملونه)
Comment by هدهد — @
انا متضااااااااااااااااااااااااااامن معها الى ابعد الحدود
مع انى عاتب عليها خوفها الشديد ده
انا فعلا شوفت حلقه 90 دقيقه امبارح و بقولها لا تخافى و لا تخشى الا الله و كلنا معاكى ان شاء الله
محمد مارو
Comment by محمد مارو — @
مطلـــــــــوب القبــــــض
على نصاب شقق زهراء المعادى / بالمعادى / بمحافظة القاهرة
المهندس / ايهاب فراج محمد ابراهيم الزينى
وعلـى كـل من يقابله التفضل بتسليمه مشكورا لأقرب قسم شرطه أو أقرب رجل أمن
وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 4/11 /2007 م محكمة المعادى حصر رقـــم 13182 لسنة 2007 م و صادر ضدة اكثر من ثلاثون حكما قضائيا
وعنوان سكنه وعنوان الشركة / شركة الزينى للتعمير 56 طريق مصر حلوان الزراعى برج بــــــدر / أمــام فندق المعادى
بطاقة رقم 27003211203839
و النصاب يتنقل بين مدينة 6 أكتوبر بمحافظة الجيزه و مدينة المنصورة بمحافظة الدقهلية /// ومركز بشبيش بطنطا بمحاظة الغربية
وعليه أكثر من حكم نصب واحتيال وجارى نشر اسماء وعناوين أقاربه وكل من تربط بينه وبينهم صلة نسب أو متسترا عليه
الشريف / جمال طـه
تليفون رقم 0104710778
( المواطن هو رجل ألأمن ألأول فى محاربة الجريمه والتصدى للمجرمين )
Comment by الشريف/ جمال طه ت/ 0104710778 — @
فضيحــــــــــــــــــــــــــــــة بالسعـــــــودية
مــــــــن المجتمــــــــــــــع الدولــــــــــــــــــــى
الـــــــى الملك / عبدالله بن عبد العزيز (خادم الحرمين ) بابا الفاتيكان بيسلم عليك ويقولك عيب رجعوا للمسلم حقه
وملكــة بريطانيا بتقولك عيب خلوا عندكم شوية ديمقراطيـــة وحقوق انســـــــــان مش انتم بتقولوا انكم مسلمين أعطوا المسلم حقه
أما الرئيس الأمريكى بوش بيسلم عليك وبيقول لك خلص المشكله ديه ورجع للمصرى جميع حقوقه وهو مش عايز يتكلم فى الموضوع ده تانى
أما الكونجرس ألأمريكى يقول لك احنا متابعين قضية المواطن المصرى ولن نتخلى عنه حتى يأخذ جميع حقوقه
أما ألأمين العام للمنظمة الدوليه لحقوق الانسان يقول لك الشكاوى منكم يوم عن يوم بتزيد وسوف نضطر لرفع ألأمر الى ألأمم المتحده ومجلس ألأمن للنظر فى فرض عقوبات اقتصادية عليكم قد تصل الى تجميد أرصدتكم فى خارج السعودية بعد خصم جميع حقوق المواطن المصرى وخاصة انه بيقول انه مسلم زيكم
برجاء الاطــــلاع وشكرا
http://gamal51.blogspot.com/
http://anameshm3ahom.blogspot.com/2007/12/blog-post_11.html
http://kalam3eal.blogspot.com/2007/12/blog-post.html
Comment by الشريف/ جمال طه ت/ 0104710778 — @
لا حول ولا قوة الا بالله..ربنا هو المنتقم وزي ما عملوا كدة في الست الغلبانة دي ربنا هيبعتلهم اللي يعمل فيهم اكتر من كدة..
حسبنا الله ونعم الوكيل في كل ظالم
Comment by Nody — @
حسبنا الله ونعم الوكيل انا مش قادرة اصدق ان فى كده فى الدنيا بس اللى مصدقاه بجد ان ربنا يمهل ولا يهمل
وكله سلف ودين حتى المشى ع الرجلين
Comment by raghda — @
حيجي يوم و الناس دي كلها تاخد حقها
ربنا مابينساش حد
و ربنا ع الظالم و المفتري
آااامييين
Comment by الدائخ — @
هي غريبة و مش غريبة ( زي الأغنية ).. لأنها حادثة متكررة
بس الغريبة فعلاً أن الواقعة حدثت - زي ما يبقولوا - قدام ناس كتير و كلهم خافوا يقولوا شهادتهم ؟
للدرجة دي الظابط ده واصل ؟؟ و لا هي أيه الحكاية بالظبط ؟
أعتقد أن الموضوع يحمل أكثر مما قيل
ممكن تقول أنه إحساس يعني
Comment by علي باب الله — @
اولا اول مرة ليه هنا بس ليه تعليق بسيط كون انى من البدايه افرط فى حقى مهما ان كانت سلطه اللى قدامى فده يقول شئ واحد بس انى مش على حق من البدايه لان المظلوم ربنا معاه وبعدين ما احنا شايفين الداخليه بتعمل ايه فىالظابط اللى بيغلط يعنى لو الممرضه على حق ولانى معرفش الحوار اللى دار بينها وبين الدكتورة مكنتش اتنزلت عن حقها تحت اى تهديد وكانت وقفت على موقفها وكانت تطلب من الناس تساعدها زى دلوقتى كده انما مش عارفه ايه كبرها فى دماغه بقى طيب ما من الاول تروح 90 دقيقه ولا تعمل زى ما بتعمل المهم زى ما الظابط ده وحش ممكن فى نفس المكان اللى هى فيه يبقى ظابط كويس وكان يوقف معاها بس هى مش على حق والله اعلم
Comment by appy — @
شكرا للجماعة اللى داعوا على الظالم وانا واحد منهم بس الحقيقة كنت بامل باكتر من الدعاء
-ــــــــــــــــــــــــــــــــــــــــــــــــــــــــــــــــــــــــــــــــــــــــــــ
appy
نورتنى واتمنى تكررى الزيارة
ممكن فعلا تكون الممرضة دى عملتى حاجة بس تفتكرى مهما كان اللى عملته يكفى لسلبها هى وعيلتها الامان من ظابط يعنى مش بقرار محكمة متهيالى لا
Comment by ahmed — @
حسبنا الله ونعم الوكيل
هذا كل ما املك قوله
Comment by واحد وخلاص — @
دولة الظلم وان كانت مسلمة فهى الى زوال ودولة العدل وان كانت كافرة فهى الى دوام
Comment by hima — @
اخى الفاضل
انا اتفرجت على الحلقة وطالما الموضوع معروض على النيابة يبقى ننتظر ربما نظلم حد فعلينا ان ننتظر حكم القضاء
Comment by حسن توفيق — @
الاستاذ حسن توفيق
انا الحقيقة معرفش ان الموضوع معروض على القضاء اصل مشوفتيش غير اخر الحلقة وكانت الست عمالة تعيط واخوها بيطلب من معتز الدمرداش وعد بانه يحميهم
لكن طالما القضاء تدخل لا يسعنا سوى الانتظار
وشكرا لزيارتك الكريمة
Comment by ahmed — @
الاخ العزيز (المصرى الجديد )
تحية طيبه ملؤها الحب والتقدير
نشكر لك مرورك الجميل على مدونتنا التى شرفت كثيرا بزيارتكم
اما عن الاهداف التى تبتعد الى اخر الدنيا فهذه الاهداف الديناميكيه اهدا ف ظريفه فربما هناك فى اخر الدنيا ربما نجد جديدا يبهرنا بعد ان عز الانبهار فى عالمنا المؤلم وواقعنا المرهق
على فكره مشكلتنا ان مالناش احلام ولو لينا احلام فاننا لا ندير احلامنا بطريقه
صحيحه اداره الاحلام هى التى تؤكد على تحقيق الحلم من عدمه
تحياتى اخى الحبيب لقد الهبت خيالى فتحياتى مره اخرى وليست اخيره
Comment by قهوة ادم — @
والله انا معاك بس الموضوع الى نفسى الكل يتكلم فيه موضوع الظابط المتخلف ولا يعرف ربنا ومعندوش ضمير هوا والدكتوره ازاى بقت دكتوره وازاى بقا ظابط حرام والله ربنا ينتقم من الظلمه وحسبى الله ونعم الوكيل فى كل واحد يظلم واحد بيجرى على لقمت عيشو
Comment by fon_2100 — @
و الله فعلا موضوع مؤثر
وو الله في البلد ما فيش غير الوسايط و التكبر من الضباط و المستشارين مع انهم مثل باقي الناس
نسي الطين ساعة انه طين حقير فصال تيها و عربد
الرجاء الذهاب الي
www.silent-visitor.blogspot.com
www.emo-silent-visitor.blogspot.com
www.thwab.com
اخر مدونه ليست لي
Comment by CyPeR__WiZaRd — @