New Egyption (بال o لحد ما تصلحوا حال البلد)
دول بيضحكوا علينا
اخيرررا وبعد معاناة طويلة مع المذاكرة والامتحانات خدت الاجازة ورجعت صايع من جديد اللهم لك الحمد
وقعدت زى كل المصريين قبل ماتش الكاميرون بساعة بتفرج على التحليلات والاعلانات الحقيقة الاعلانات حلوة جدا وخصوصا بتاعت الكوكاكولا والبيبسى انا اصلا من هواة الاعلانات بيتعمل فيها شغل جامد جداا ,الحقيقة البطولة السنة دى جامدة جدااااا
واتفرجت على الاعلان بتاع بيبسى اللى جايب ناس من افريقيا وبيتكلموا على منتخب مصر كانه اسطورة الحقيقة الاعلان حلو بس فى اعلان منهم فى طفل صغير بدل ما بيشجع منتخب بلاده بيشجع الحضرى
طبعا احنا كما مصريين نفرح ونتبسط من الاعلان لكن فى مقولة بتقول اللى بيقولك اكيد بيقول عليك وده معناه انهم بيعملوا اعلانات بتسئ لينا كمصريين ومسلمين وعرب
زى الاعلان الى فوق ده بالظبط
الحقيقة انا مش عارف انا عايز من الكلام ده ولا ايه الهدف يمكن عايز اقول انهم مش بيهمهم حد كشركة تجارية وكل همهم الربح وبس زى كل الشركات بس عادى حتى ده حق مشروع ليهم
يمكن انا مضايق عشان متخيل اعلان سخيف من وجهة نظرى بيتريق علينا وناس اغبياء من وجهة نظرى برضه بيضحكوا علينا الحقيقة برضه مش عارف
بس عايز اقول ان الشركات دى خصوصا يبسى وكولا بيكسبوا جامد جدا مننا انا مش بدعوا للمقاطعة عشان انا عارف ان فى عمال مصريين وبيوت مصرية كتير مفتوحة بسبب الشركات دى
انا فى الحقيقة مش عارف انا عايز ايه لو حد عرف ياريت يقولى
طبعا انا لسة واخدة الاجازة جديد وملحقتش كل الاعلانات غير بتاع بو تريكة بس هو حلو وعجبني..بس بالنسبة للاعلان بتاع الكوكاكولا دا طبعا منتهي الشذاجة مننا اننا نوافق علي كدة اساسا.يعني ايه وجه الاستفادة انهم يجيبوا ناس بتصلي علي شكل أزايز الكولا..وفعلا الله يرحم ايام ما كانت ب 7 قروش ومكنتش بتلاقي اللي يشتريها كمان..
Comment by Nody — @
بص هو الإعلان أهبل .. معاك في كده
بس مش شايف أنه بيسيء لحد بالتحديد
يعني الواد مقالوش مثلاً هو من أنهي بلد .. و ما يقدروش يعملوا كده
أنا أتصور أنهم عاملين إعلان مماثل بس جايبين فيه نفس الممثلين دول .. لكن الكلام عن فرقة تانية
أما مسألة أنهم يجيبوا عيل و يقولوا عليه مصري و بيشجع غانا مثلاً بدل ما يشجع مصر .. أتصور أنه كلام بعيد جداً علي الأقل نظرياً
—————–
و يا سيدي أهو علي الأقل الإعلان ده أفضل من بتاع كوكاكولا
( الراعي الرسمي للمشجع المصري )
مع أني ما أخدتش و لا مليم من كوكاكولا ؟؟
راعييني في أيه دول ؟؟؟ الله و أعلم
ده حتي المثل بيقول لك
( راعيني قيراط أراعيك قيراطين )
—-
أنا عارف أنت عايز أيه
: )
أنت عايز واحد بيبسي .. ده شيء واضح
: )
—
Comment by علي باب الله — @
بجد انا اعرف ان الاعلان ده متفبرك يعنى مش شركه كوكا الى عملاه ومع ذالك انا عارف اننا عندما نشترى تلك التفاهات نخسر الكثير من الاموال والمذيد من الاموات لكن كما تقول ماذا افعل
Comment by صوت من مصر — @
يا اخى دة استهزاء صارخ
بالشيوخ اولا
و بالصلاه ثانيا
و بالدين ثالثا
و دة مش غريب عن الكوكاكولا رمز الامركه
تحياتى ابو مفراح
Comment by abomefr7 — @
صورة مفبركة وسخيفة
تمسو بديننا الحنيف
لا حولة ولا قوة إلا بالله
Comment by mohamed — @
ندعوك ان تشاركونا مناقشة هذه الموضوعات في مدونتنا الجديدة
الكتلة الإسلامية
http://alukah.maktoobblog.com/?post=842258
——-
مسرحيّة (البحث عن معتصم)
http://alukah.maktoobblog.com/?post=842218
ولكم منا أطيب التحية
Comment by alukah — @
السلام عليكم
الواحد يقول نقاطع الكولا والبيبسي نا س كتير هتنضر من مصريين يعملون في تلك الشركات .
ولكن يجب علي الدولة ان تعمل علي رقابة تلك الشركات وتتاكد انها لا تضر المستهلك المصري لان يوجد كلام عن الخطورة التي تمثلها تلك الشركات علي الصحة
…..
وتحياتي
وائل المصري
Comment by من ابداعات الاعضاء — @