وراء كل مصيبة امراة
البوست ده للرجل فقط ممنوع دخول البنات والسيدات و كل الانثوات
الستات اخطر المخلوقات على وجه الارض من فجر التاريخ ولحد دلوتى حتى ايام الفراعنة كانوا بيسموا اله الشر”ست” يعنى الستات اصل كل البلاوى والمصايب اللى فى الكون وفى كل الازمان ولو مش مصدق شوف واحكم
شمشون الجبار اللى كلنا نسمع عنه وصاحب الجملة الشهيرة عليا وعلى اعدائى قبل ما يهد المعبد حد كده يفكر ويقولى ايه مشكلة شمشون وايه اللى حطه فى المازق ده انا اقولك واحدة ست(دليلة) ضحكت عليه وبعته لاعداءها اللى مكانوش قادرين عليه
يمكن ضحكة عليه باكلة مسبكة وبعد ما اتغدا وقالها تسلم ايدك حلقتله شعره ,يمكن ضحكتله ضحكة كده من اياهم وقامت ضاحكة عليه , يمكن عيطت ونزلت دمعة من عنيها واقوى سلاح فى الكون هو دمعة نسائية
نيجى لمصيبة تانية فى التاريخ من مصايب المراة والستات وما اكثرهم
انطونيو كان فارس وقائد جيش واسمه يهز رجال بشنبات جت كليوباترا (واللى اسمها مضر بالصحة اصلا وعمرنا ما سمعنا عن راجل اسمه مضر بالصحة) ضحكت عليه وخليته زى الاهبل وبعد ما كان قائد منتصر بقه مهزوم ومدحور ولا يساوى قرشين فى سوق الرجالة اصحابه بنصحوه مفيش فايدة هو فى من القدر هروب وامه تنقى له عروسة حلوة من روما يتجوزها وبرضه يرجع لكليوباتر من تانى فضلت ورائه لحد ما جبت داغه وخليته يا عينى من الاكتئاب انتحر
والامثلة التاريخية كتيرة ده حتى كينج كونج اللى هو مش انسان برضه مفيش فايدة ضحكت عليه واحدة ست لغاية ما بقى جوه القفص بس
خد عندك قيس مثلا كان راجل زى الفل وكان زينة شباب القبيلة لحد ما جت ليلى ورمت عليه شباكها ومن ساعاتها الراجل يا عينى حاله اتشقلب بقه مقضيها شوية مخدارات وشوية يهيم على وجه فى الصحراء بقه من الاخر اهبل واكتر من كده كمان ده كل ده ومتجوزهاش امل لو كان اتجوزها كانت عملت فيه ايه
والحقيقة اللى لازم نقولها ان مفيش حد مشهور وعظيم اللى وكنت المراة جزء من كيانه وعشان طلعت الاسطورة اللى بتقول
وراء كل عظيم امراة
ولكن لم يذكر احد ماذا تفعل المراة وراء هذا العظيم فهى غالبا تحفر له قبره او بتسوم اعدائه عشان تبيعهوالامثال فى العصر الحديث مفيش اكتر منها
بصوا لعدد الوفيات هتلاقوا الرجالة كل يوم بيموتوا من حسرتهم والستات قاعدين فى الدنيا بلاش بصوا للثقافة النسائية من خلال الامثال الشعبية
وري جوزك دمعتك ولا توريه لقمتك . فى طفاسة اكتر من كده طيب بلاش فى راجل يقدر يقول كده
اقلب القدرة على فمها تطلع البنت لامها دول بيتورثوا الصفات الجميلة سابقة الذكر الام بتعلمها لبنتها
وبعدين فى مثال حى على كلامى ده كوندليزا رايس اتفرجوا عليها واحكموا
وطبعا انا عارف ان ممكن بكرة الاقى مظاهرة تحت بيتنا ولا يحصل اسوء من كده عشان كده انا بهزر وكل الكلام اللى فات ده هزار انتوا عارفين الحر وكده
انت باصص للجانب السىء فقط كل حاجة فيها النقضيين واحنا الرجالة كمان فين الوحش وفينا الحلو وكذلك النساء فاذا نظرنا للجانب الحلو هتلاقى امك وامى مثلا وهتلاقى عائشة عبدالرحمن بنت الشاطىء وهتلاقى هدى شعرواى وهتلاقى وهتلاقى الخ ولكن للاسف الان نجد ان عدد ليس قليل من النساء يلعبون بمشاعر الرجال فالمراءة تستغل نقطة هامة جدا وهى ضعفها فاصبحت قوتها فى ضعفها وبالتالى بتتمسكن لجد ما تتمكن وبالتالى ينطبق عليهم ماقاله انيس منصور لاتأمن للنساء ولو هبطوا من السماء… ومن هنا وبنا على هذا المقال اقول لك بالفم المليان انك صرت على نهج الحكيم وانيس منصور فى موقفهم من النساء وبالتالى اصبحت باقتدار عدو المرأة
Comment by hima nems — @
علي فكرة أحنا كمان شايفين حاجات كتير فيكم وحشة أنتوا ولا بتربوا أطفال ولا فاضيين تربوا اساسا ولا تقدروا كل همكم وفاكرين كل مسئوليتكم تشتغلوا وتجيبوا فلوس وبس أكيد في ستات زي اللي في المقال وفي رجالة بردو العن من الستات دول..هو في راجل ممكن يشتغل وياخد باله من البيت يعني يروقه ويعمل اكل ويذاكر لولاده ويربيهم كويس؟؟؟ أتحدي راجل يعمل كل دا..وعلي فكرة أنتوا متقدروض تعيشوا اصلا من غير الستات.
Comment by Nody — @
لا عندك حق فعلاً .. هو وراء كل عظيم إمرأة .. كان ممكن يبقي أعظم لو ما كانتش موجودة
وري جوزك دمعتك ولا توريه لقمتك .
هههههههههههههه دي أول مرة أعرف المثل ده
—-
خالص تحياتي
Comment by علي باب الله — @
hima
والله مش مواقف عدوة ولا حاجة دانا مقهور وبنفث عن قهرى منهم لكن طبعا فى الحقيقة مقدرش استغنى عنهم
_____________________________________________________________________________
nody
انا عارف ان كل نوع فيه الحلو وفيه الوحش بس انتوا طبعا اكتر بكتيرررررر جداااااااااا
______________________________________________________________________________
العزيز على باب الله
انا كمان اول مرة اعرف المثل ده وبعدين معاك طبعا كالمعتاد كان ممكن يكون اعظم لو هى كانت بعدت عنه شوية
Comment by AHMED — @
اخى الفاضل
ارجو التكرم بالدخول الى مدونة الاتحاد وتسجيل بياناتك فى استمارة العضوية الموجودة فى لجنة العضوية ولك كل الشكر
اخوكم
حسن محمد توفيق
من مؤسسى اتحاد المدونيين المصريين
Comment by اتحاد المدونيين المصريين — @
بصراحة رغم انى لقيت لافتة تقول للرجال فقط
فلقيت نفسي بدخل البوست برجلى اليمين وكلى ثقة
ده لأنى بنوتة طبعا
المهم
البوست عجبنى قوى
وحسسنى كده انى كلى عظمة وفخر انى ليا هيبة ورعب انا معاك ان الستات مفترية
وكل البنات اللى بتمتحن شفوى قرآن تقول يارب اللى يمتحنى راجل متكونشي ست
لان الست بتسقط وقلبها جامد
على فكرة الست عمرها مكان قلبها روهيف ولا بتاع علشان كده متنفعشي لاهى متنفعشي قاضية علشان اللى الراجل هيديله حكم ب تلات سنين ولا حاجه الست هتديله اعدام وهى مطمنة انها عملت عين الصح
جود لك
على فكرة انا مفترية برضه بس اعمل ايه مش بيدى
جعلونى أنثى
Comment by كركوبة — @
كركوبة
والله انا مشوفتيش افترا كده ,ده انا بحلم بكوابيس نسائية ربنا يستر على الرجال
انا نفسى اتعلم الافترا زيكم والله بس للاسف جعلونى رجلا
Comment by AHMED — @