اكتب عن ايه؟؟
الحقيقة حسيت انى بقالى كتير مكتبتش حاجة فى المدونة فقعدت افكر اكتب عن ايه؟ بقالى كتير منزلتيش الشارع ومشوفتيش التليفزيون ومقراتيش جرايد ومدخلتيش على موقع الاخبار ف معرفش الدنيا بره فيه ايه؟؟
وبعدين رجعت قولت هو هيكون ايه حصل جديد , وعشان كده انا اكتب عن اى حاجة قديمة وانتوا طبعا مش هتاخدوا بالكوا او هتاخدوا بالكوا بس مش هتفرق معاكوا
فقررت اكتب عن رغيف العيش ازاى فى معاناة فى الحصول عليه وازى الناس بتموت وهى بتحاول تجيب رغيف العيش وبعدين افتكرت حاجة كنت كتبتها من حوالى سنتين عن طابور العيش وان له فوائد عظيمة فى مصر منها ان مزار سياحى وخصوصا انهم لقوا مومياء فروعونية وقفة فى طابور عيش فى بولاق ,وبعدين رجعت قولت ما الناس كلها اتكلمت عن العيش وفرن العيش وطابور العيش والدقيق اللى بيتعمل من العيش لغاية ما شبعت من الكلام
وبعدين فكرت ان اكتب عن العلاوة والبنزين اللى سعره ولع, والزيت والسكر وكده وبعدين اكتشفت برضه ان الدنيا كلها اتكلمت عن الموضوع ده وكله اقترح حلول وحصلت اضربات وناس اتعورت وناس مات ,وقعدت افكر فى فايدة او ميزة واحدة للعلاوة اللى خربت البيوت دى(اول مرة اسمع واشوف علاوة بتخرب البيوت)واكتشفت ان العلاوة دى ليها ميزتين اول واحد انها قررت ان العلاوات ممكن تكون من غير حد اقصى وتانى ميزة ان الناس فرحت بسببها بتاع نص ساعة ولا حاجة
وبعدين رجعت افكر اكتب عن ايه تانى وبلدنا منبع صافى للمشاكل اللى عايز يجيب قفة ويجى يشيل منها براحته وهو ده سبب حيرتى مش عارف اختار بلوى اكتب عنها ,وبعدين افتكرت حاجة كده هو الراجل بتاع عبارة الموت اللى اسمه ممدوح اسماعيل ده راح فين دلوتى وبعدين قولت اكيد موجود فى سجن المشاهير وبعدين افتكرت ان دى مصر يا عبده واكيد دولتى هو بيقضى الصيف فى فرنسا
وبعدين قمت اعمل شاى ولقيت الانبوبة فاضية فرجعت وانا متعكنن وافتكرت موضوع الغاز اللى بيصدر على جارتنا وحبيبتنا المعلونة اسرائيل ,وبعدين سرحت كده وشوفت واحد اسرائيلى حقير دلوتى بيفتح البوتجاز بتاعهم وبيعمل شاى على الغاز المصرى بتاعنا ,واحد مصرى اللى هو انا يعنى مش لاقى انبوبة يعمل بيها الشاى فوقفت فى الشباك ورفعت ايدى للسما قولت ادعى ربنا وافتكرتى فجاة انى ممكن اروح المحكمة فدخلت من الشبكة ودعيت وهو مقفول على اللى كان السبب (قصدى بتاع الانبايب اللى بقاله يومين مجاش)ا
وبعدين طبعا ورد فعل طبيعى للفوق ده جالى اكتئاب وانفجرت فى العياط وفكرت انتحر وقررت ما اكتبيش حاجة واقوم انام
فعلا … انا اعاني من نفس مشكلة اني لا اجد مواضيع جديده …. و ليست المشكله انك لم تدخل علي مواقع الأخبار …. المشكله ان مافيش اخبار جديده في البلد ديه …. اما بالنسبه للعيش فدي مشكله ابديه مش هتتحل الا بموضوع العشرين رغيف بتاع المجلس المحلي او بمعضله الاهيه نزله من السماء …. انا عرفت ليه جامعة القاهره اسمها جامعة القاهره و هي في الجيزه …. الجامه زمـــــــــــــــــــان كان اسمها جامعة الملك فاروق و دلوقتي اسمها جامعة القاهره و زمــــــــــــــــــــــــــــان ماكنش في الجيزه كانت القاهره بس
Comment by SmArT_GuY — @
ارفض هذا التعليق
نقلت لك هذا اذا لم تدخل علي مدونتي و تقرأ ردي
تحياتك مقبوله
كيف ؟ اتقصد كلام التدوينه ؟؟؟
طب ! ازاي يظهر لك ؟؟؟
رد علي علشان اشوف المشكله جت ازاي ؟؟
بس متهيألي المشكله من عندي
لأني كل ما افتح ايميل عربي بجيبلي
{}{}{}{}{}{}{}{}
بيطلعلك كلام التدوينه كده ؟
و اذا اردت اي شيء فأنا موجود
و السلام عليكم و رحمة الله و بركاته
Comment by SmArT_GuY — @
من الطبيعى جدا لكل ما ذكرته وكل ما تحدثت عنه ان يجيلك اكتئاب شديد نتيجة لما سبق كله ولكننى ارى ان عدم حصولك على موضوع جدير بالمناقشة فده راجع اللى تششت ذهنى بتعانى منه نتيجة طبيعية لكثرة ما تعانية مصر من مشاكل كثير فاننى لم ارى بلد فيها هذا الكم الهائل من المشاكل سورى جدا انا اقصد مصر فى العصر الملكى اما الان فصدق العبد لله حينما قال مفيش مشاكل ولا حد شايل للهم باكى ومفيش بطالة ولا شاب قاعد ع باب فى حارة يشرب حشيش وماسك فى ايديه حطة سيجارة ومفيش عنوسة وكل واحد فى ايديه عروسة وممكن يتجوز تانى ويجيب شقة جد يدة وكمان ف العجوزة هههههههههه وممكن يكون ده راجع انك ع يقين ان كلامك ملهوش لازة ومحدش هيقراءه كتير فتلاقى نفسك بتقول اكمتب عن مين وليه ولمين هى فى حاجة تستهاهل اصلا حتى لو كانت امك …….ززز؟
Comment by hima — @
اخى الفاضل
اختى الفاضلة
عضو اتحاد المدونين المصريين
انصحك بالتواصل مع موضوع لحمايتك مما
قد يوقعك تحت طائلة القانون ونحن نعمل
لمصلحتك وحمايتك ..
فى انتظارك بمدونة الاتحاد ولك كل الشكر
نعمل من اجلك ولوجه الله
Comment by اتحاد المدونيين المصريين — @
اخى الفاضل
اختى الفاضلة
عضو اتحاد المدونين المصريين
ادعوكم للاطلاع على موضوع من ابداعات الاعضاء
——————–
**************( اتيكيت استخدام الايميل ) ***************
من مدونة المصرى الاول ……. للزميل العزيز عضو الاتحاد
————————-( وائل المصرى ) —————————-
اتمنى ان تسعدوا بزيارتكم
ورجاء ان ترشحوا لنا اى موضوع يفيد باقى الاعضاء لنشره فى مدونة من ابداعات الاعضاء
———————-
اخى الفاضلا
اين شعار الاتحاد ؟
Comment by اتحاد المدونيين المصريين — @
اخى الفاضل
اختى الفاضلة
********************** دعوة ***********************
ندعوكم للمشاركة فى حملتنا من اجل فلسطين ومن اجل اسرى المسلمين فى سجون
الاحتلال وجوانتاناموا ومن اجل التذكير بحقوق الشعب الفلسطينى وبخاصة حق العودة الذى
تجرى محاولات لشطبة وطمسه من قرارات الامم المتحدة …..
فى انتظاركم لدعم اخوتنا ومواجهة المحاولات الصهيونية الامبريالية الاسرائيلية الامريكية
Comment by اتحاد المدونيين المصريين — @
تسلم إيدك والله
Comment by KING SABRI — @
الحقونا هنقفلها ونقعد فى البيت !!!!!!!!!!!!!!!!!!!!!!!!!!!!!!!!!!!!
….. فى انتظاركم موضوع خطير بحاجه الى رايكم ……..
لا تتردد
وشارك
لمحاولة الحفاظ على حقوقنا وحرياتنا فى التعبير عن راينا دون رقيب غير
ضميرنا واخلاقنا ومبادؤنا ….. شكرا لك مقدما تواصلك معنا
Comment by اتحاد المدونين المصريين — @