New Egyption (بال o لحد ما تصلحوا حال البلد)
تسلم جزمتك
يمكن اى حد لما يقرا العنوان يفتكر انى بتكلم عن ابو تريكة مثلا او عن محمد زيدان لكن ف الحقيقة انا بتكلم عن شخص تانى تمام حقق انجازات بجزمته محققهاش يمكن بقلمه واصبح بين يوم وليلة اشهر من نار على علم
الراجل اللى خلى الشعب العربى كله من المحيط للخليج يقول له يا سلام عليك ولد تسلم جزمتك يا ابنى طبعا دلوتى بس عرفته انه الصحفى العراقى منتظر الزيدى الى حدف بوش بالجزمة بس للاسف مجاتش فيه بس على راى حماقى اهى جت يا مجاتش بقه
بعيدا بقه عن السياسة والكلام فالسياسة عشان ان مش بحبه بجد الراجل ده عمل حاجة كلنا كنا نتمنى نعملها كلنا لغاية دلوتى نفسنا ندى بوش بالجزمة لا بالف جزمة فوق دماغه وان كنت انا بلوم ع الاخ منظر عشان معرفش ينشل حلو على بوش بس مش مشكلة ان شاء الله المرة اللى جاية تيجى فى دماغه صح
الغريبة ان ف الوقت اللى الشعب العربى كلها من الخليج للمحيط نفسه يضرب بوش بالجزمة بنلاقى الزعماء والملوك والقادة العرب من الخليج للمحيط بيجروا يبوس ايد بوش وده ان دل على شئ دل على الانقسام فى وجهة النظر بين الزعماء والشعوب العربية
انا مش عايز ازيد واعيد ف الكلام بس بجد منتظر الزيدى شكرا وربنا يكتبلك السلامة
مش متفق معاك في موضوع الجزمة ده
لو إفترضنا أن بوش يستحق العقاب .. فأكيد مش من حق الصحفي ده أنه يعاقبه … يعني لو قتلت أنت بنفسك سفاح كرموز اللي بكل تأكيد يستاهل الإعدام … ها يحاكمك القانون .. لأنه مش من حقك أنك تحكم و تنفذ .. في طرق قانونية لكده
و إلا نبقي عايشين في غابة
و الغاية لا تبرر الوسيلة … لمؤخذة يا عم ميكافيللي
—-
في النهاية اللي عمله الصحفي ده مش أكتر من أنه فش غله لكن للأسف بطريقة مش صحيحة
يعني تخيل لو كل واحد مش عاجبه التاني يروح مديله بالجذمة ؟؟؟ ها يبقي سعر فردة الكوتشي في السما
Comment by على باب الله — @
الصديق العزيز على باب الله
طبعا معاك حق فان القانون هو اللى المفروض يحكم بس لو القانون ده تخاذل ومرجعش الحق لاصحابه زى اللى بيحصل فى مصر مثلا لما ظابط بوليس يفترى على حد غلبان مبيكونش قدام الغلبان غير انه يدعى عليه لكن منتظر عمل حاجة غير العداء يمكن هى مش صح بس اكيد مش غلط بس لفرحة وشماتة الناس فى الوطن العربى ف بوش وانت تعرف انها مش غلط
اما بالنسبة للاسعار فمش تقلق قدام شوية الناس ف مصر هتشمى حافية وخصوصا الصحافيين
Comment by AHMED — @