المصري الجديد

انا مش هتكلم على العدوان الصهيونى ولا على شهداء غزة الابرار ,عشان متكونش مزايدة ف الوطنية

وكده انا هتكلم على مصر ايوة مصر ومحدش يستغرب
فجاة كده مع بداية العدوان الصهيونى لقيت كل من هب ودب بيحط اسم مصر ف جملة مفيدة وجمل ملهاش اى معنى
اشخاص كنت زمان بحترمهم ومنظمات وجماعات وقادة دول عربية واسلامية نسيت اسرائيل ومفتكرتيش غير مصر ,وكان مصر مثلا اللى بتقوم بالعدوان على فلسطين مش اسرائيل
وفجاة لقينا ناس اكيد بتوجيه من قوى سياسية معينة بتعمل مظاهرات ضد مصر وامام السفارات المصرية

يا سبحان الله اسرائيل بتجتاح غزة والمظاهرات ضد مصر مش غريبة دى
عندنا مثل مصر بيقول الباب اللى يجيلك منه الريح سده واستريح ومع ذلك مصر معملتيش كده عشان مصر رغم انف اى حد هى الاكبر والافضل ف المنطقة
رغم ان معبر رفح ده مش بيجى من ورائه غير المشاكل والمصايب الا ان مصر مش قفلته وفضلت فاتحها عشان اخونا ف فلسطين الشقيقة
شهيد مصر من القوات المسلحة برصاص حماس لم يكن الاول ولن يكن الاخير ومع ذلك المعبر لسه مفتوح ,فى شهر ذى الحجة مجموعة حجج من فلسطين كانوا عايزين يروحوا مكة عشان الحج وحماس منعتهم
الفكرة العربية الموجودة حاليا وهى هنقاتل لاخر جندى مصر لازم تتغير مصر من سنة 48 لغاية دلوتى بتدفع ثمن حروب كتير اغلبها مكانش ليها يد فيها لكن هذا قدرنا ونحن لا نرفضه
لكن مش هنتصدر كل مرة وفجاة منلقيش حد من الاشقاء العرب والمسلمين خلفنا,كل العرب والفلسطنين على وجه الخصوص متاكدين ان الشعب المصرى باكمله يساند القضية الفلسطنية
من بداية العدوان وقناة الجزيرة جاية على مصر بشكل غريب وعمالة تسخن الدنيا على مصر المساعدات جت من كل حتة ف الدنيا ومصر مرديتش تدخلها غزة مصر مرديتش تفتح المعبر وتستقبل الجرح مصر مش عرف عملت ايه ومصر مش عارف معملتيش ايه مش عارف الحملة دى كلها ايه غرضها
رغم انه خبر محزن للغاية الا انه اضحكنى حتى البكاء الخبر هو وفاة احدى قيادى حماس و14 فرد من اسرته انا مش فاكر اسمه ايه القيادى ده هو صاحب نظرية حماية القادة بالدروع البشرية يعنى الناس الابرياء العاديين يموتوا عشان القادة بتوع حماس يعيشوا يعنى نموت نموت ويحيا قادة حماس شوفتوا سخرية اكتر من كده
انا عارف ان الشدائد بتعرف الناس الاصدقاء المخلصين والحقيقيين وانا متاكد ان الفلسطنين هيعرفوا من هما الاصدقاء والاشقاء دول فعلا ده لو كانوا لسه مش عارفين
ف النهاية اطلب من كل شخص قراءة الفاتحة على شهداء غزة الابرار